له شاری سلێمانی و به هۆی نهبوونی مهرجهكانی تهندروستی دوو كارگهی گهوره بڕیاری داخستنی یهكجارییان بۆ دهدردهچێت ، ئهوانیش كارگهی ماست و كارگهی عهلهفه و چیتر ڕیگهی كاركردنیان پێ نادرێتهوه.
(لهشكر حهمید) سهرپهرشتیاری لیژنهكانی بهڕێوهبهرایهتی گشتی تهندروستی سلێمانی ڕایگهیاند: له سهرهتای ئهمساڵهوه تا كۆتایی مانگی تشرینی یهكهمی ئهمساڵ، دوو ههزار و 860 شوێنكاریان بهسهركردۆتهوه و ههر لهو ماوهیهشدا 225 شوێنیان له نهبوونی مهرجهكانی تهندروستی ئاگادار كردۆتهوه و ڕێنماییان پێداون.
ناوبراو ئاماژهی دا: لهو شوێنكارانهی بهسهر كراونهتهوه (23) شوێن بڕیاری داخستنیان بۆ دهرچووه، ئهوانیش له (دوو كارگه ، سێ دوكانی گۆشت فرۆشتن ، حهوت ڕێستورانت ، چوار ئارایشتگه ، یهك دایهنگه ، پێنج كافتریا و یهك نانهواخانه) پێكهاتوون.
ههر به هۆی ئهو سهرپێچیانهوه كارگهی ماست و كارگهی عهلهف به یهكجاری داخران و ڕێگهی كاركردنیان پێ نادرێتهوه.
جێ باسه ههر لهو ماوهیهدا دهستخۆشی له (42) شوێنكار كراوه به هۆی پابهندبوونیان به مهرجهكانی تهندروستییهوه.
.jpg)