ئەمرۆ 16ی 3ی 2017، بە ئامادەبوونی پارێزگاری سلێمانی لە هۆڵی ئەنجومەنی پارێزگا لەلایەن ناوەندی هزی یاساییەوە مەراسیمێكی بەخشینی خەڵات و بروانامە بۆ ژمارەیەك لە پارێزەرانی سلێمانی بەرێوەچوو،.

لە مەراسیمەكەدا سەردار قادر ل. پارێزگاری سلێمانی وتەیەكی پێشكەش كردوو تیدا تیشكی خستەسەر قەیران و كێشەكانی پارێزگای سلێمانی و هەوڵەكان بۆ  رووبەروونەوەیان.

لەسەرەتای وتەكەیدا پارێزگاری سلێمانی  دروود و سڵاوی نارد بۆ گیانی قوربانیانی كیمیابارانی شاری هەڵەبجەی شەهید و نیگەرانی خۆی دەربڕی كە ساڵ بەساڵ برینەكانی ئەو شارە قوڵ دەبێتەوەو نەتوانراوە  بەپێی قوڵی زامەكانی ئەو شارە خزمەت بكرێت.

پاشان پارێزگاری سلێمانی لەبارەی بارودۆخی ئیدارەی پارێزگای سلێمانی دوواو  رایگەیاند: ئیدارەی پارێزگای سلێمانی ئیدارەیەكی بنكە فراوانەو وەك سەرجەم دامەزراوەكانی حكومەتی هەرێم رووبەرووی چەندین قەیران بوینەتەوە.

پارێزگار ئاشكرای كرد، ساڵی رابردوو تەنیا 9 ملیار دینار بۆ پرۆژەكان و بواری  پەرەپێدان بۆ سلێمانی تەرخانكرابوو، بۆ ئەمساڵیش بریارە مانگانە 4 ملیار دینار تەرخان بكرێت.

ئاماژەی بۆ ئەوەشكرد كەلەناو شاری سلێمانی دەست دەكرێتەوە بەكاركردن لەچەند پرۆژەیەكی خزمەتگوزاری  و رێگەوبان.

وتیشی: بریاری رێكخستنەوەی ناو شارمان داوەو  دەرگای سكاڵاشمان بۆ هەموو كەس كراوەیە..

 پارێزگاری سلێمانی پیرۆزبایی و دەستخۆشی ناوەندی هزری یاسایی كرد بۆ كردنەوەی ئەو خولە بۆ پارێزەرانی سلێمانی وتیشی: هیوادارم  پەرلەمانی كوردستان كارا بێتەوە بۆ ئەوەی شكۆی یاسا بگەرێتەوە شوێنی خۆی .

لەمەراسیمەكەدا خەڵات و رێزلێنان بەخشرا بەشێك لەو 200 پارێزەرەی بەشداریان كردبوو لە خولی ناوەندی هزری یاسای كوردستان كە خولەكە تایبەت بوو بە یاسای باری كەسێتی و یەكەمجارە ئەو ناوەندە خولێكی لەو جۆرە لە سلێمانی بكاتەوە.