د. هەڤاڵ ئەبوبەکر پارێزگاری سلێمانی، بەئامادەبوونی بەڕێزان کوێستان محەمەد وەزیری کارو کاروباری کۆمەڵایەتیی و، شێخ فاخیر شێخ تەیب بەڕێوەبەری جێبەجێکاری گروپی کۆمپانیاکانی قەیوان و، ژیلوان عادل شوکر بەڕێوەبەری گشتیی گەشەپێدان و چاودێریی کۆمەڵایەتیی سلێمانی، بەشداریکرد دیداری ناساندن و بڵاوکردنەوەی چیرۆکی وێنەیی (هیوا؛ خەونێک لە تاریکییەوە بۆ ڕوناکیی) کاکە ڕەهەند ڕێباز یەکێک لە نەوجەوانە زیرەک و زەنگینەکانی ماڵی نەوجەوانان و، چالاکیی خوێندنەوەی زۆرترین کتێب لەلایەن ماڵی کوڕانی نەوجەوانانی سلێمانییەوە، کە بەسوپاسەوە لەلایەن کۆمەڵگای پەروەردەیی کوردجینیەس، بەهەماهەنگیی بەڕێوەبەرێتیی چاودێریی کۆمەڵایەتیی سلێمانی و، بەڕێوەبەری ماڵی کوڕانی نەوجەوانانی سلێمانییەوە؛ ڕێکخرابوو

خەڵاتی ڕێزلێنان و پێزانینی وەزارەتی کارو کاروباری کۆمەڵایەتیی پێشکەش بە بەڕێوەبەری جێبەجێکاری گروپی کۆمپانیاکانی قەیوان کراو، خەڵاتی ڕێزلێنان بەخشرایە کەس و لایەنە بەشدارەکان

پارێزگاری سلێمانی پیرۆزبایی و پێزانین و پشتیوانیی خۆی بۆ ئەم دەستپێشخەرییە شایستانانە دووپاتکردەوە