شاری پێنجوێنی سەربەرز، د. هەڤاڵ ئەبوبەکر پارێزگاری سلێمانی، بە ئامادەبوونی بەڕێزان سمکۆ سالار پارێزگاری هەڵەبجە بەوەکالەت و هێمن ئیبراهیم قائیمقامی قەزای پێنجوێن و کەسوکاری سەربەرزی شەهیدانی ژینگەپارێزو هاووڵاتیانی جوامێری قەزای پێنجوێن و دەوروبەری و ڕێکخراوە ژینگەپارێزەکانی هەرێمی کوردستان و ڕۆژهەڵاتی کوردستان؛ بەشداریکرد لە ڕێوڕەسمی چلەی ماتەمینیی شەهیدانی ژینگەپارێزی کوردستان و سلێمانی و پێنجوێن و گوندی کواوا، شەهیدانی سەروەر ئالان یوسف و بێستون عەبدوڵا، کە لەلایەن ڕێکخراوی ملەکەوە بۆ پاراستنی ژینگە بە هاوکاریی؛ قائیمقامییەتی قەزای پێنجوێن و پڕۆژەی پێنجوێن شاری فێربوون؛ ڕێکخرابوو

لە وتەیەکدا هاوخەمیی پارێزگای سلێمانی و حکومەتی هەرێمی کوردستانی بۆ دەربڕین و، لە جوامێریی و خۆنەویستیی و گیانی بەرزی بەخشندەیی و ژینگەو ژیان و مرۆڤ و سروشتپارێزیی ئەم سەروەرانە دوا

دواتر لەدەروازەی شاری پێنجوێندا؛ بەشداریکرد لە مەراسیمی پەردەلادان لەسەر وێنەی شەهیدانی ژینگەپارێزو، کەمپینی قەزای پێنجوێن بۆ زیانلێکەوتووانی لافاوەکەی چەمچەماڵ و دەوروبەری

سوپاسی جوامێریی و خەمخۆریی و دڵسۆزیی خەڵک و قائیمقامییەت و دامەزراوە حکومیی و ڕيکخراوە مەدەنیی و کەسایەتییەکانی قەزای پێنجوێن و دەروبەری کرد