وەفدێكی باڵای وەزارەتی كشتوكاڵ بە یاوەریی نوێنەر و شارەزایانی كۆمپانیای (ئەلبەراری)ی ئیماراتی، سەردانی پارێزگای سلێمانی دەكەن، بە ئامانجی كاری وەبەرهێنان لە كەرتی كشتوكاڵدا، پارێزگاری سلێمانیش پشتیوانییان بۆ دەردەبڕێت.
ڕۆژی شەممە 17/12/2022، د. هەڤاڵ ئەبوبەكر پارێزگاری سلێمانی، لە دیوانی پارێزگادا پێشوازییكرد لە بەڕێزان خاتوو بێگەرد تاڵەبانی وەزیری كشتوكاڵ و سەرچاوەكانی ئاو و ڕاوێژكاری وەزیر و نوێنەرانی كۆمپانیای ئەلبەراری ئیماراتی تایبەت بە وەبەرهێنان لە بوارە كشتوكاڵی و پەلەوەریی و ئاژەڵدارییەكاندا.
لە دیدارێكدا گفتوگۆ كرا لە بارەی پەرەپێدانی كەرتی كشتوكاڵی، وەزیری كشتوكاڵ سوپاسی پارێزگاری سلێمانیی كرد، لە بەرامبەر پشتیوانیی بەردەوامی بۆ وەزارەتەكەیان و كەرتی كشتوكاڵیی، لای خۆیەوە پارێزگاری سلێمانی سوپاس و پێزانین و پشتیوانیی پارێزگای بۆ بەڕێز وەزیری كشتوكاڵ و وەفدی هاوڕێی دووپاتكردەوە و پێشوازیشی لە كۆمپانیاكانی ئیمارات كرد بۆ هەر پڕۆژەیەكی وەبەرهێنانی بەرهەمدار، كە ژێرخانی ئابوریی و كەرتی كشتوكاڵیی هەرێم و پارێزگاكە بەرەو پێشتر ببات.
وەزیری كشوكاڵ ئاماژەی بەوەداوە، سەردانی شاندەكەی ئیمارات بۆ سلێمانی، لە میانی بانگهێشتنامەیەكی فەرمیی وەزارەتی كشتوكاڵ و سەرچاوەكانی ئاوی هەرێمە، بە مەبەستی لە نزیكەوە بەسەركردنەوەی پڕۆژە گرنگ و ستراتیژییەكانی (كشتوكاڵی و ئاژەڵی و پەلەوەری و كارگەكانی عەلەف و گەنمەشامی)، بە ئامانجی هەماهەنگی و هەڵسەنگاندنی پڕۆژەكان و زەمینەسازی بۆ ئەنجامدانی سەرمایەگوزاریی هاوبەشی نێوان هەرێمی كوردستان و ئیمارات.
بۆ زانیاریی زیاتر لە بارەی كار و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن و نوێترین هەواڵ و زانیاریتان بەدەست بگات، بەم ئەدرەسانەی خوارەوە:
https://twitter.com/SlemaniGov
https://www.linkedin.com/company/30141235/admin/
https://www.facebook.com/slemanigov/
https://www.instagram.com/slemani_governorate/
