پارێزگاری سلێمانی بە یاوەریی جێگری پارێزگار سەردانی فەرمانگەی داواكاری گشتیی سلێمانی دەكات ‌و ئامادەیی پیشاندەدات بۆ هەموو جۆرە هەماهەنگیی ‌و هاوكارییەك لە پێناو چەسپاندنی سەروەریی یاسا ‌و خزمەتكردنی هاووڵاتیان.
ڕۆژی  یەكشەممە 16/10/2022، د. هەڤاڵ ئەبوبەكر پارێزگاری سلێمانی، هاوڕێ لەگەڵ بەڕێز ئەحمەد عەلی ئەحمەد، جێگری پارێزگاری سلێمانی بۆ كاروباریی هونەری، سەردانی فەرمانگەی داواكاریی گشتیی سلێمانییان كردو و لەلایەن بەڕێز دادوەر مەهدی رەشید فەرەج بەرپرسی فەرمانگەی داواكاریی گشتیی سلێمانییەوە پێشوازییان لێكرا.
لە میانی كۆبوونەوەیەكی هاوبەشدا گفتوگۆ كرا لە بارەی هەماهەنگیی بەردەوامیی پارێزگای سلێمانی و فەرمانگەكانی حكومەتی خۆجێیی سلێمانی لەگەڵ فەرمانگەی داواكاری گشتیدا.
بەرپرسی فەرمانگەی داواكاری گشتی، سوپاسی پارێزگای سلێمانیی كرد لە بەرامبەر هاوكاریی ‌و هەماهەنگییەكانی لە پێناو چەسپاندنی یاسا ‌و رێزگرتن لە دادگاكان.
لای خۆیەوە پارێزگاری سلێمانی جەختی لەسەر هەموو هاوكاریی و هەماهەنگییەك كردەوە، لە پێناوی چەسپاندنی سەروەریی یاساو پاراستنی بەرژەوەندیی گشتیی و خزمەتكردنی زیاتری هاووڵاتیان.

بۆ زانیاریی زیاتر لەبارەی كارو چالاكییەكانی پارێزگای سلێمانی، دەتوانن لەتۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe