ساڵانە لە هەر وەرزێكدا كۆمەڵێك ڕێنمایی دەرئەچن سەبارەت بە چۆنێتیی مامەڵەكردنی هاووڵاتیان لەگەڵ ئەو كەش و مەترسییانەی دێنە پێشەوە، بە تایبەتیش بۆ وەرزی زستان جێبەجێكردنی رێنماییەكان گرنگن لە كاتی باران و بەفر و بەستندا، بۆیە ئەگەر لە ڕۆژانی ئاساییدا هەر چۆنێك هاتوچۆ ئەكەی و چۆن كارەكانت ڕایی ئەكەی ئاساییە، بەڵام لەگەڵ نزیكبوونەوەی وەرزی زستان و شەختە ‌و سەهۆڵبەندان، پێویستە ئامادەكاریی بكرێت بەم شێوازەی لای خوارەوە:
یەكەم:  چاككردنەوەی ڕێگاوبانەكان و كردنەوەی ئاوەڕۆكان.
دووەم: پشكنینی ئۆتۆمۆبێل بە ڕێنمایی هاتوچۆ و توندوتوڵكردنەوەی.
سێهەم: كەمكردنەوەی سەفەر و گەڕان بۆ ئەوەی ئاستەنگی بۆ ڕێگاكان دروست نەبێت و هاووڵاتیانیش سەلامەت بن.

چوارهەم: دووركەوتنەوە لە تاوەری كارەبا و دەستنەدان لە ڕاگری تەڕبوو، بۆ ئەوەی لە مەترسیی كارەبا بە دوور بین.
پێنجهەم: لادانی كەلوپەل و ئاژەڵ لە نزیك ڕوبارەكان، بۆ ئەوەی زیانی گیانی و ماددیی لێنەكەوێتەوە.
شەشهەم: بڵاوكردنەوەی هۆشیاریی هاتوچۆ بۆ هاووڵاتیان لە كاتی بەستنی كۆڵان و شەقامەكان بە بەفر و شەختە.
حەوتهەم: پێچانی بۆریی و تانكیی سەربان بە داپۆشەری تایبەت، بۆ ئەوەی ئاو نەیبەستێ و بە دوور بین لە بێئاویی ماڵەكان.

هەشتهەم: لە كاتی سەردانیكردنی فەرمانگەكاندا، منداڵ و بەتەمەنەكان لەگەڵ خۆتان مەبەن بۆ ئەوەی بە دووربن لە جەنجاڵی و هەڵخلیسكان.
نۆهەم: بۆ كاری پێویست ‌و زۆر گرنگ نەبێت، لە كاتی شەپۆلی بەفردا، لە شارێكەوە سەفەر مەكەن بۆ شارێكی دیكە، ئەگەر ناچاریش بوون، كەلوپەل و پێداویستیی باش لەگەڵ خۆتاندا ببەن.
دەهەم: لە كاتی شەختە ‌و سەرمادا، شەوانە ئاگاداریی ئەو ئاگر و گەرمكەرەوانە بن كە لە ماڵەكانتاندا كاریان پێدەكەن، بۆ ئەوەی بەدووربن لە هەر مەترسییەك.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe