پارێزگاری سلێمانی پەیامی بۆ هاووڵاتیان هەیە ‌و داوایان لێدەكات، ناوی خۆیان تۆمار بكەن ‌و بە ڤاكسینی دژەكۆرۆنا خۆیان بكوتن، هەتا خۆیان بپارێزن ‌و ژیانیان لە مەرگ رزگار بكەن، دەشڵێت: ژمارەی زۆر و پێویستی ڤاكسینیان دابینكردووە.
ئەمەی خوارەوە دەقی پەیامەكەی د. هەڤاڵ ئەبوبەكر پارێزگاری سلێمانییە بۆ هاووڵاتیان:

هاووڵاتیانی خۆشەویست..
بە هەوڵی دڵسۆزانە و مەردانەی هەمووان، ژمارەیەكی زۆر و پێویستی ڤاكسینمان دابینكردووە، ژمارەی بنكەكانمان بۆ پێدانی ڤاكسین لە ناوشاری سلێمانیدا بۆ ۱۳ بنكە زیادكردووە و تیمی گەڕۆكمان بۆ فەرمانگا و شوێنە گشتیی و تایبەتەكان پێكهێناوە، لە هەموو قەزا و ناحیەیەكدا بنكەی ڤاكسینپێدانمان كردۆتەوە، تكا و داوای خەمخۆرانەتان لێدەكەین ناوی خۆتان تۆماربكەن و بچن ڤاكسین وەربگرن، خۆتان و كەسوكارتان و تەواوی مرۆڤایەتیی لەم پەتا كوشندەیە بپارێزن..
پاییزە؛ وەرزی پەتا گواستراوەكانە، مەترسیی بەرزبوونەوەی زیاتری كۆرۆنا لە ئارادایە، هەر بێباكیی و خەمساردییەك خۆت و هەموومان ڕوبەڕوی مەرگێكی نەخوازراو دەكەیتەوە، دەرفەتی چارەسەركردن لە دەستدەدەیت، ڤاكسینكردن تەنها ڕێگای خۆپاراستنە، خۆپاراستنیش تاكە ڕێگای دەربازبوونە.
هەموو بنكە و تیم و دامودەزگا تەندروستییەكان چاوەڕوانی هاتنی خێرتانن بۆ ئەوەی وەك هەمیشە لە خزمەتتاندابن، بێبەرامبەر و بێقەرەباڵغیی و ڕیزگرتنێك ژەمە ڤاكسینی خۆتان؛ پێببەخشن.
وەرن بێدوودڵیی ڤاكسین وەربگرن، ژیان لە مەرگ ڕزگار بكەن..
د. هەڤاڵ ئەبوبەكر
پارێزگاری سلێمانی

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe