پارێزگاری سلێمانی بە یاوەریی بەرپرسانی ئیداریی ‌و كۆمپانیا جێبەجێكارەكان، چەند پرۆژەیەك بەسەر دەكاتەوە كە لە قۆناغی كۆتایی كاركردندان.
ڕۆژی یەكشەممە 5/9/2021، د. هەڤاڵ ئەبوبەكر پارێزگاری سلێمانی، بە ئامادەبوونی بەڕێز ئاوات محەمەد قائیمقامی قەزای مەڵبەندی سلێمانی و ئەندازیارانی شارەوانیی سلێمانی و لێپرسراوی پڕۆژەكانی گروپی كۆمپانیاكانی قەیوان، پڕۆژەكانی سەوزكردنی فولكەی بەردەم بەرزاییەكانی سلێمانی بۆ تونێلی پێشڕەو و چاكردنی ڕێگای دووسایدی هەواری شار بۆ بەردەم تونێلی پێشڕەو و دووسایدكردنی ڕێگای هەواری شار بۆ دۆڵەڕووتی بەسەركردەوە، كە لەسەر ڕاسپاردەو پێشنیازی پارێزگاری سلێمانی بەسوپاسەوە لەلایەن گروپی كۆمپانیاكانی قەیوان و لەسەر ئەركی خۆیان بە هەماهەنگیی قائیمقامیەتی قەزای مەڵبەندی سلێمانی و سەرۆكایەتیی شارەوانیی سلێمانی جێبەجێ كراون و لە قۆناغی كۆتاییدان.
دواتر قۆناغەكانی بەڕێوەچوونی پڕۆژەی شەقامی ئۆتۆبانی بابانیان بەسەر كردەوە، كە بە كاری بەردەوامی گروپی كۆمپانیاكانی قەیوان و هاوبەشەكانیان و پشتیوانیی هاووڵاتیان بەتایبەتی ئەو گوندو ئاوەدانیانەی دەكەونە سەر پڕۆژەكەو بە هەوڵ و هەماهەنگیی فەرمانگەكانی دەوڵەت، كاری پێویست لە پڕۆژەكەدا كراوەو بڕیارە لەگەڵ سەرەتای ساڵی ئایندەدا پرۆسەی قیرتاوكردن دەست پێ بكات.
پارێزگاری سلێمانی بە هاوبەشی قائیمقامی قەزای مەڵبەندی سلێمانی، لە كۆنگرەیەكی ڕۆژنامەگەرییدا لە جێبەجێكردنی ئەم پڕۆژانە دوا و سوپاسی گروپی كۆمپانیاكانی قەیوانی كرد بۆ وەڵامدانەوەو دەستپێشخەرییان لە جێبەجێكردنی ئەم پڕۆژانەی خزمەت بە بواری گشتیی دەكەن.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe