بەسەرپەرشتیی پارێزگاری سلێمانی كۆبوونەوەیەك بۆ هەڵسەنگاندنی دوایین هەنگاوەكانی بەرەنگاربوونەوەی كۆرۆنا بەڕێوەدەچێت ‌و پارێزگاری سلێمانیش پشتیوانیی پارێزگا بۆ هەموو هەنگاویچكی نیشتمانییانە پیشان دەدات.
ڕۆژی پێنجشەممە 2/7/2020، د. هەڤاڵ ئەبوبەكر پارێزگاری سلێمانی، لە دیوانی بەڕێوەبەرایەتیی گشتیی تەندروستیی سلێمانیدا لەگەڵ بەڕێزان بەڕێوەبەری گشتیی تەندروستیی سلێمانی و یاریدەدەران و بەڕێوەبەری بەڕێوەبەرایەتییەكانی تەندروستیی سلێمانی و بەڕێوەبەری ئۆفیسی سلێمانیی ڕێكخراوی تەندروستیی جیهانیی (WHO) كۆبوەوە.
لە میانی كۆبوونەوەكەدا هەڵسەنگاندن بۆ قۆناغەكانی بەرەنگاربوونەوەی كۆرۆنا كرا و گفتوگۆ لەبارەی پێشنیاز و ڕاسپاردە نوێكان بۆ پلانی ئێستا و داهاتووی بەرەنگاربوونەوەی كۆرۆنا كرا.
پارێزگاری سلێمانی سوپاس و پێزانین و پشتیوانیی خۆی بۆ كەرتی تەندروستی و كاری دڵسۆزانەی پزیشك و كارمەندانی تەندروستیی دەربڕی، جەخت لەسەر بەردەوامبوون لە خۆپارێزیی و پابەندبوون بە ڕێنماییە تەندروستییەكان و چارەسەركردن و پێشكەشكردنی خزمەتگوزاریی تەندروستیی بەردەوام و شایستە و پشتیوانیكردنی خۆچارەسەركردن و هاوچارەسەركردن دووپاتكرایەوە.
ڕێوشوێنی پێویست بۆ باشتر و خێراتر و فراوانتری بەرەنگاربوونەوەی كۆرۆنا دیاریكران و داوا لەو هاووڵاتییە بەڕێزانە كرا، كە هەڵگری ڤایرۆسەكە بوون و چاكبوونەتەوە بەشداربن لە بەخشینی خوێن بۆ چارەسەركردنی تووشبووەكان و لە هەڵمەتێكی مرۆییانەی نیشتمانیانەدا بەشداربن لە پاراستنی ژیانی هاونیشتمانییەكانیاندا.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber