پارێزگاری سلێمانی بە سەردانێك دەگاتە پارێزگای هەڵەبجە ‌و چەندین كەلوپەل ‌و پێداویستییش بۆ پارێزگاكە دابین دەكات.
رۆژی پێنجشەممە 9/4/2020، د. هەڤاڵ ئەبوبەكر پارێزگاری سلێمانی، سەردانی پارێزگای هەڵەبجەی كردو لە تەلاری بەڕێوەبەرێتیی گشتیی تەندروستیی پارێزگای هەڵەبجەدا، لەلایەن بەڕێزان ئازاد تۆفیق پارێزگاری هەڵەبجە و جێگری پارێزگاری هەڵەبجە و بەڕێوەبەری گشتیی تەندروستیی هەڵەبجە و سەرۆكی تیمی بەرەنگاربوونەوەی ڤایرۆسی كۆرۆنا لە پارێزگای هەڵەبجە و پزیشك و كارمەندانی بەڕێوەبەرایەتییەكەوە پێشوازیی لێكرا.
لە سەردانەكەدا پارێزگاری سلێمانی سوپاس و پێزانین و پشتیوانیی پارێزگا و سەرجەم دامودەزگاكانی پارێزگای سلێمانیی بۆ دەربڕین و بەناوی پارێزگای سلێمانییەوە سی و شەش ملیۆن دیناری بەخشییە تاقیگەی تایبەت بە پشكنینی ڤایرۆسی كۆرۆنا لەڕێی بەڕێز (د. جیهاد ئیبراهیم) سەرۆكی تیمی بەرەنگاربوونەوەی ڤایرۆسی كۆرۆنا لە پارێزگای هەڵەبجە بۆ دەستكردن بە كارەكانیان و كاركردن بە ئامێری (PCR)ی تایبەت بە پشكنینی كۆرۆنا لە پارێزگاكەدا.
هەروەها بەڕێز پارێزگاری سلێمانی دە هەزار دەمامك و دووسەد نامیلكەی ڕێنمایی خۆپارێزیی لە كۆرۆنا و چەند پێداویستییەكی لۆجستیی تریشی بەخشییە پارێزگا و بەڕێوەبەرێتیی گشتیی تەندروستیی پارێزگای هەڵەبجە.
لای خۆیەوە بەڕێز پارێزگاری هەڵەبجە، سوپاس و پشتیوانیی و هەماهەنگیی پارێزگاكە و دامودەزگاكانی بۆ پارێزگای سلێمانی دەربڕی و هیوای خواست كە بە هەموو لایەك بتوانین سەركەوتووانە ئەم قۆناغە هەستیارە تێبپەڕێنین.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber