پرۆژەیەك بۆ پاكڕاگرتنی ژینگە بەڕێوەدەچێت ‌و پارێزگاری سلێمانیش پشتیوانیی پارێزگا بۆ پرۆژەكە رادەگەیەنێت.
ڕۆژی یەكشەممە 8/12/2019، پڕۆژەی زەوی دەپارێزم وەك پڕۆژەیەكی هاوبەشی ڕێكخراوی ئەندازیاریی ئینگۆ و دیكۆر هۆم، بە هیمەتی تیمە ئەندازیارییەكانی بەڕێوەبەرێتیی هاتوچۆی سلێمانی ‌و بە پشتیوانیی پارێزگای سلێمانی، لە چەندین شوێنی شاری سلێمانیدا جێبەجێ كرا.
پرۆژەی زەوی دەپارێزم لەلایەن دەستەیەك ئەندازیار ‌و گەنجی خۆبەخشەوە جێبەجێ‌ دەكرێت ‌و لە چەند ناوچەیەكی ناو شاری سلێمانیدا دەست كراوە بە دانانی سەبەتەی تایبەت بۆ ئەوەی دەبەی ئاو فڕێ‌ نەدرێتە سەر شەقام ‌و رێگا ‌و شوێنە گشتییەكان ‌و بكرێتە سەبەتەی تایبەتەوە ‌و كۆبكرێتەوە.
پارێزگاری سلێمانی پشتیوانیی خۆی بۆ پرۆژەكە دەربڕی ‌و داوای لە هەموو لایەك كرد هاوكار بن و بەشداربن  لە سەرخستنیدا بە ئامانجی پاراستنی زەوی و ژینگە و ژیان.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber