سیمینارێكی تایبەت بە هەڵسەنگاندنی پرۆژەی ماستەرپلانی هاتوچۆ بەڕێوەدەچێت ‌و پارێزگاری سلێمانیش داوا دەكات بە وردیی كار لەسەر پرۆژەكە بكرێت.
ڕۆژی سێشەممە 12/11/2019، د. هەڤاڵ ئەبوبەكر پارێزگاری سلێمانی بە یاوەریی بەڕێز جێگری پارێزگار بۆ كاروباری هونەریی، بەشداریی كرد لە سیمیناری تایبەت بە پرۆژەی ماستەرپلانی هاتوچۆی سلێمانی، كە لەلایەن كۆمپانیای بێرنەری ئەڵمانییەوە جێبەجێ دەكرێت.
ئەم پرۆژەیە یەكەم پرۆژەیە لەسەر ئاستی عێراق و هەرێمی كوردستان و ئومێد دەكرێت بە شێوەیەكی زانستی و تەكنیكیی كار بۆ ڕێكخستن و پێشخستنی هاتوچۆ لە شاری سلێمانیدا بكات.
لە میانی سیمینارەكەدا كە بە بەشداریی ژمارەیەكی زۆر لە بەرپرسانی حكومیی ‌و نوێنەری لایەنە پەیوەندیدارەكان بەڕێوەچوو، گفتوگۆ كرا لە بارەی وردەكارییەكانی پرۆژەكە.
بەڕێز پارێزگاری سلێمانی لە وتەیەكدا پێشنیاز و پێداویستییەكانی پارێزگای سلێمانیی خستەڕوو، داوای لە بۆردی سەرپەرشتیاری پرۆژەكەش كرد، بە وردیی و شایانانە پلان و سیناریۆ و نەخشەی شایستە و زانستی بۆ ئەم بوارە دیاریی بكەن، هیوای سەركەوتنیشی بۆ خواستن.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber